150

پریانکا چوپڑا کی فین لسٹ میں ہالی وڈ اداکارہ ڈریو بیری مورکا اضافہ

بالی وڈ اداکارہ پریانکا چوپڑا کے مداحوں کی فہرست میں ایک ہالی وڈ اداکارہ کا اضافہ ہوگیا ہے۔45 سالہ ہالی وڈ اداکارہ ڈریو بیری مور کے ٹاک شو میں بالی وڈ اداکارہ پریانکا چوپڑا نے آن لائن شرکت کی۔ اس دوران میزبان اداکارہ نے بتایا کہ وہ پریانکا چوپڑا کو اس دن سے پسند کرتی ہیں جب انہیں پہلی بار دیکھا تھا۔ مجھے ان کی کتاب بھی بہت پسند آئی۔ڈریو بیری مور نے پریانکا چوپڑا سے کہا کہ آپ نے بہت ہی زبردست زندگی گزاری ہے۔ میرے لئے انتخاب کرنا مشکل ہے کہ آپ سے آپکی زندگی کے کس حصے سے متعلق بات کروں۔ڈریو بیری مور نے پریانکا چوپڑا کی مداحوں میں بہت زیادہ مقبولیت کا ذکر کرتے ہوئے کہا کہ انسٹاگرام پر 60 ملین سے زائد فالوورز،بھارت میں بڑا اسٹار جبکہ ہالی وڈ میں بھی بڑا نام اور بہت ہی مشہور شوہر پتا نہیں لوگ ان سب چیزوں کے ساتھ زندگی کو کیسے گذارتے ہیں۔

اس خبر پر اپنی رائے کا اظہار کریں

اپنا تبصرہ بھیجیں